• RUB:
    6.68
  • USD:
    520.93
  • EUR:
    609.07
Basty saıtqa ótý
Qoǵam 17 Maýsym, 2022

Polısııa Armenııa nómirimen júrgen kólik júrgizýshilerine eskertý jasady

325 ret
kórsetildi

Qazaqstan polısııasy Armenııadan ákelingen kólikti tirkeý sharalarynyń aıaqtalýyna on aı qalǵanyn eskertti, dep habarlaıdy Egemen.kz.

Aıta ketetini, Qazaqstan azamattaryna tirkelgen jáne 2020 jyldyń 1 aqpanyna deıin ákelingen kólikti jeńildetilgen tártippen esepke qoıýǵa ruqsat berilgen. Bıyl naýryz aıynda Armenııadan kelgen kólikterdi tirkeý merzimi 2023 jyldyń 1 naýryzyna deıin uzartyldy. Sebebi koronavırýs pandemııasy kezinde shekteý sharalary kóp bolyp, kólikti elden shyǵarý jaǵynan qıyndyq týyndaǵan.

«Osylaısha, búginde Armenııada tirkelgen jáne 2020 jyldyń 1 aqpanyna deıin Qazaqstanǵa ákelingen kólik ıelerine óz avtomobılderin esepke qoıý máselesin sheshý úshin 10 aıdan az ýaqyt qaldy», deıdi polıseıler.

Qazirgi tańda Armenııadan ákelingen kólikti tirkeý quny 13 myń teńgeden aspaıdy. Al róli oń jaqtan sol jaqqa aýystyrylǵan kólikke arnaıy kýálik alý kerek. Ony akkredıtasııadan ótken uıymdar beredi. Olar:

«ǴZO «Almaty-Standart» JShS, Almaty q., Alataý aýdany, Mádenıet sh / a., Súıinshi k-si, 1 úı, tel. (8-727)317-05-31;

«Ulttyq saraptama jáne sertıfıkattaý ortalyǵy» AQ Qostanaı fılıalynyń synaq ortalyǵy, Qostanaı q., Gogol k-si, 79A úı, tel. (87142)54-29-37, 57-05-64, 52-20-66;

«Ulttyq saraptama jáne sertıfıkattaý ortalyǵy» AQ Batys Qazaqstan fılıalynyń synaq bólimi, Oral q., Gagarın k-si, 23 úı, Moldaǵulova k-si, 23/1 úı, tel. (8-7112) 23-97-45;

«Ulttyq saraptama jáne sertıfıkattaý ortalyǵy» AQ Soltústik Qazaqstan fılıaly, Petropavl qalasy, 2-shi Pervomaıskaıa kóshesi, 9-úı, tel. (8-7152)52-03-60.

Resmı statıstıkaǵa sáıkes, Shyǵys Qazaqstan oblysynda ǵana 196 avtomobıl tirkelgen. Sonyń ishinde 50 kóliktiń róli sol jaqqa aýystyrylǵan.

«Tirkelgennen keıin ıelerine kólikti Qazaqstanda tirkeý týraly ulttyq kýálik jáne sary tústegi memlekettik nómir beriledi. Sonymen qatar, Armenııadan tirkelgen avtomobılderdi paıdalaný merzimi shektelmeıdi. Avtomobıl ıesi ony ıelikten shyǵarý quqyǵynsyz paıdalaný merzimi týraly sheshim qabyldaýǵa quqyly», dep atap kórsetti mamandar.