Halyqaralyq fýtbol qaýymdastyqtarynyń federasııasy (FIFA) kúni keshe fýtboldan ulttyq quramalardyń jańartylǵan reıtıngin jarııalady.
FIFA-nyń maýsym aıyndaǵy álemdik reıtıngi boıynsha Qazaqstan ulttyq quramasy birden 11 saty joǵarylap, 114-orynǵa jaıǵasty. Naýryz aıyndaǵy reıtıngte Qazaqstan 125-orynda turǵan bolatyn. Magomed Adıev jattyqtyratyn Qazaqstan ulttyq quramasy maýsym aıynda Ulttar lıgasy aıasynda tórt match ótkizip, onyń úsheýinde jeńiske jetse, bir oıynda teń tústi.
Atap aıtar bolsaq, jerlesterimiz alǵash Ázerbaıjan quramasynan 2:0 esebimen basym tússe, keıin syrt alańda Belarýs fýtbolshylarymen teń oınady. Sondaı-aq Slovakııa quramasymen eki oıyn ótkizip, ekeýinde de jeńiske jetti – 1:0, 2:1. Dúnıejúzilik reıtıngte bes dúrkin álem chempıony Brazılııa kósh bastap tur. Keıingi oryndarǵa Belgııa jáne Argentına quramalary jaıǵasqan.