Ádilet mınıstrligi «Qazaqstan Respýblıkasyndaǵy Adam quqyqtary jónindegi ýákil týraly» Konstıtýsııalyq zań jobasyn ázirledi, dep habarlaıdy Egemen.kz.
Ýákil qyzmetiniń mindetteri - adamnyń jáne azamattyń buzylǵan quqyqtary men bostandyqtaryn qalpyna keltirýge járdemdesý, QR normatıvtik quqyqtyq aktilerin jetildirý, adamnyń jáne azamattyń quqyqtary men bostandyqtaryn kótermeleý jáne ilgeriletý.
Qujatqa sáıkes, ýákil óz qyzmetin júzege asyrý kezinde zańdylyq, ádildik, beıtaraptyq, obektıvtilik, jarııalylyq, ashyqtyq, aıqyndyq qaǵıdattaryn jáne QR Konstıtýsııasynda bekitilgen basqa da qaǵıdattardy basshylyqqa alady.
Bul rette ýákil óz ókilettikterin júzege asyrý kezinde táýelsiz bolyp, qandaı da bir memlekettik organdar men laýazymdy adamdarǵa esep bermeıdi.
Sondaı-aq qylmys ústinde ustalǵan ne aýyr nemese asa aýyr qylmystar jasaǵan jaǵdaılardy qospaǵanda, ýákil óziniń ókilettik merzimi ishinde QR Parlamenti Senatynyń kelisiminsiz ustap alýǵa, kúzetpen ustaýǵa, úıqamaqqa alýǵa, kúshtep ákelýge, sot tártibimen qoldanylatyn ákimshilik jazalaý sharalaryn qoldanýǵa, qylmystyq jaýaptylyqqa tartýǵa bolmaıdy delingen.
Sondaı-aq ýákil óziniń laýazymdyq mindetterin oryndaýǵa baılanysty ózine belgili bolǵan mán-jaılar týraly kýá retinde jaýap alýǵa jatpaıdy.
Oǵan óz qyzmetin júzege asyrý kezinde respýblıka zańdaryna sáıkes qaýipsizdikti qamtamasyz etý quqyǵyna kepildik beriledi.
Ýákildi Qazaqstan Prezıdentiniń usynýy boıynsha QR Parlamenti Senaty bes jyl merzimge qyzmetke saılaıdy.
Ýákil qyzmetine saılanatyn adam kelesi talaptarǵa jaýap berýge tıis:
QR azamattyǵyna ıe bolý jáne onyń aýmaǵynda sońǵy on jyl boıy turaqty turý; Joǵary bilim; Adamnyń jáne azamattyń quqyqtary men bostandyqtaryn qorǵaý boıynsha keminde bes jyl jumys tájirıbesiniń bolýy; 30 jastan kishi emes; Memlekettik tildi meńgerý; Is-áreketke qabilettilik.Qyzmetke kirisken kezde ýákil ant beredi.
Zań jobasynda ýákildiń saıası qyzmetpen aınalysýǵa quqyǵy joq dep kózdelgen. О́z ókilettigin júzege asyrý ýaqytynda ol saıası partııaǵa músheligin toqtata turady.
Budan basqa, ol memlekettik qyzmette bolýǵa, kásipkerlik qyzmetpen aınalysýǵa, uıymdyq-quqyqtyq nysanyna qaramastan kommersııalyq uıymdy, sondaı-aq oqytýshylyq, ǵylymı ne ózge de shyǵarmashylyq qyzmetti qospaǵanda, basqa da aqy tólenetin qyzmetti basqarýǵa qatysa almaıdy.
Ol sondaı-aq ókildi organnyń depýtaty bola almaıdy.
Qujat 15 shildege deıin Ashyq NQA saıtynda jarııa talqylaý úshin ornalastyrylǵan.