Búgin Memleket basshysy elimizdiń kólik-tranzıttik áleýetin damytý jóninde keńes ótkizdi. Prezıdenttiń baspasóz hatshysy Rýslan Jeldibaı áleýmettik jelidegi paraqshasynda osyǵan baılanysty jýrnalıster tarapynan suraqtar túsip jatqanyn jazdy, dep habarlaıdy Egemen.kz.
«Bul jerde, eń aldymen, geosaıası turaqsyzdyq jaǵdaıynda Qazaqstan kómirsýtegin halyqaralyq naryqtarǵa jetkizý baǵyttaryn ártaraptandyrý týraly sóz bolyp otyr. Jıynda jańa kólik dálizderin ashý máselesi talqylandy. Bul - bir kúndik jumys emes, uzaq merzimdi jospar. Shyn máninde, qabyldanǵan sheshimderdiń eshqandaı saıası astary joq», dedi Rýslan Jeldibaı jazbasynda.
Onyń málimetinshe, Reseı bizdiń strategııalyq seriktesimiz ári odaqtasymyz bolyp qala beredi.
«Onyń múddesine nuqsan keltiretin qandaı da bir is-áreketterge jol berilmeıdi. Qazaqstan tarapyna qatysty da osyndaı áreketter jasalmaıdy dep úmittenemiz», dep jazdy baspasóz hatshysy.