Prezıdent Qasym-Jomart Toqaev Ýımbldon týrnıriniń jeńimpazy Elena Rybakınamen telefon arqyly sóılesip, ony tarıhı jetistigimen quttyqtady, dep habarlaıdy Egemen.kz.
Memleket basshysy Elenanyń asqan sheberliginiń, jeńiske degen erik-jigeriniń jáne onyń kortta ózin ustaý mádenıetiniń joǵary ekenin atap ótti. Prezıdent kórnekti sportshyny Qazaqstan týy astynda sátti óner kórsetkeni jáne halyqaralyq arenada elimizdiń abyroıyn asqaqtatqany úshin alǵys aıtty.
Qasym-Jomart Toqaev Elena Rybakınanyń jarqyn jeńisi Qazaqstan tennısin odan ári damytýǵa, sporttyń osy túrine balalardyń kóptep tartylýyna yqpal etedi dep sanaıdy.