Aldaǵy senbide Aqtaýda Eagle FC jáne Naiza promoýshenderiniń uıymdastyrýymen aralas jekpe-jekten jarys ótedi. Ony tamashalaý úshin Habıb Nýrmagomedov pen Shavqat Rahmanov syndy juldyzdar keledi dep kútilýde.
Kaspıı jaǵalaýyndaǵy jarystyń basty básekeleriniń birinde tanymal qazaqstandyq sportshy Igor Svırıd te óner kórsetedi. 35 jastaǵy Almatynyń týmasy 2021 jyldan beri sporttyń osy túrimen shuǵyldanýda. Sol aralyqta 28 kezdesý ótkizip, 18 ret jeńiske jetti. 14 básekede aıqyn basymdyq tanytty. Kezinde ol orta salmaqta Sıngapýrdyń ONE Championship pen ASA uıymdarynyń chempıondyq belbeýin ıelendi. Aqtaýda Svırıd reseılik Artýr Gýseınovpen kúsh synasýǵa tıis edi. Alaıda jaraqatyna baılanysty ol oktagonǵa shyǵýdan bas tartty. Endi Igor áli jeńilistiń kermek dámin tatyp kórmegen 32 jastaǵy Daǵystannyń ókili Shamıl Magomedovpen aıqasady.
Al Las-Vegasta ótken UFC týrnırinde Qazaqstanda týyp-ósken ázerbaıjandyq Rafael Fızıev Brazılııanyń betkeustary Rafael Dos Anosty besinshi raýndtyń basynda aıqyn jeńdi.