Jas sýretshilerge arnalǵan art-keńistik

Efes Kazakhstan kórmelerge jas qyl­qalam sheberlerin ǵana emes, daryndy óner qaıratkerlerin de shaqyrýdy jos­parlap otyr.

Shabyt pen jańa múmkindikterge jol ashatyn osy bastamaǵa uıytqy bolyp otyrǵan Anadolu Efes Group áleýmettik salanyń turaqty damý strategııasyn iske asyrý aıasynda 30 jyldan astam ýaqyt boıy búkil álemdegi mádenıet pen ónerge qoldaý kórsetip kele jatqanyn aıta ketken jón.

Efes Kazakhstan kompanııasy Art & creative Solutions qoǵamdyq qory­men birlese otyryp, bul bastamany jal­ǵas­tyryp, keskindeme mádenıetin qoldaı­tyn jáne múldem jańa art-ekspırıens usynatyn jobany uıymdastyrdy.

Jańa art-keńistiktiń ashylýynda sýret­shilerdiń alǵashqy toǵyz kartınasy usynyldy.

«Kórmeden alǵashqylar qatarynda oryn alǵan zamanaýı sýretshiler arasynda Arystan Shalbaev, Alena Welar, Arýjan Jumabek jáne Janel Shahan bar. Bul joba kompanııanyń keńse keńistiginiń biregeıligin qalyptastyrýǵa jáne jaıly jumys atmosferasyn qurý­ǵa baǵyttalǵan», – deıdi Art&creative Solutions qoǵamdyq qorynyń kýratory Olga Veselova.

«Efes Art Space uıymynyń ıdeıasy – bul Qazaqstanda týyndaǵan jáne jasalǵan dúnıelerdi maqtan etýge ynta­landyrýdyń taǵy bir tásili. Biz úshin da­ryndy jastardy biriktirý dás­tú­rin jalǵastyrý óte mańyzdy. Biz mu­nda shyǵarmashylyq kezdesýler, pre­zen­tasııalar, konferensııalar, sýret­shiler jınalystary jáne basqa da is-shara­lar ótkizýdi josparlap otyrmyz», – deıdi EfesKazakhstan marketıng depar­ta­mentiniń dırektory Zeınep Erkan Alp.

Jańa alań ashylǵan sátten bas­tap kompanııa kórmeler ótkizý maqsa­tynda sýretshilerden ótinimder qabyl­daı bastaǵan. Oǵan qosa Efes Kazakhstan kom­pa­nııasynyń óner jáne shyǵarma­shy­lyq­pen baılanysynyń aıǵaǵy retin­de Efes ArtSpace Award syılyǵy taǵa­ıyn­dalmaq. Kompanııa sýretshilerdi kór­melerge qatysýǵa shaqyra otyryp, bir jyl ishinde týyndylardy kórsetý úshin keńse keńistigin paıdalanýdy josparlap otyr, sodan keıin kásibı qazylar alqasynyń daýys berýi negizinde eń jaqsy kórmege arnaýly syılyq beriledi.

ALMATY