Elordanyń halyqaralyq áýejaıynyń ýaqytsha túngi jumys rejımine kóshýine baılanysty qala turǵyndaryna yńǵaıly bolý úshin túngi ýaqytta avtobýs marshrýttaryn iske qosý týraly sheshim qabyldandy, dep habarlaıdy Egemen.kz CTS-ke silteme jasap.
«15 shildeden 8 tamyzǵa deıin Nur-Sultan qalasynda áýejaıǵa qoǵamdyq kóliktiń túngi reısteri qatynaıdy. Mundaı sheshim astanalyq áýe aılaǵynyń túngi jumys rejımine ýaqytsha aýysýyna baılanysty qabyldandy», delingen habarlamada.
Jolaýshylardy qoǵamdyq kólikpen qamtamasyz etý №10 baǵdarmen júrgiziledi. №10 baǵdardyń túngi reısteriniń áýejaıdan shyǵý ýaqyty: 23:18, 00:29, 01:59, 02:59. Marshrýttyń kúndizgi qozǵalys kestesi ózgerissiz qalady.