Elimizde kásipkerlikpen aınalysý úshin qolaıly jaǵdaı jasalǵan. Osy rette talaı jannyń asqaq armanyn aqıqatqa aınaldyrǵan «Bastaý Bıznes» jobasynyń orny erekshe. «Atameken» ulttyq kásipkerler palatasy qolǵa alǵan bul joba sońǵy jyldary halyqtyń bızneske degen qyzyǵýshylyǵyn oıatty, dep jazady Egemen.kz.
Jobany oqyǵandar úshin bıznes-jospardy ázirleýge kómek kórsetiledi jáne qarjylaı grant beriledi. Osyny utymdy paıdalanǵandardyń biri – elordalyq Uljan Myrzageldıeva. Ol «Bastaý Bıznes» jobasy arqyly bıznes álippesin meńgerip, memleketten grant alǵan. Búgingi tańda Nur-Sultan qalasyndaǵy Bilim ALL oqý ortalyǵyn basqarady. Jaqynda ekinshi fılıalyn ashýdy josparlap otyr.
«Negizgi mamandyǵym – qazaq tili men ádebıeti pániniń muǵalimi. Osy ýaqytqa deıin mektepte jumys istedim. Biraq ol kezde jalaqy az boldy ári balalaryma kóńil bólýge ýaqyt kelispegendikten, mektepten ketip qaldym. Bir kúni avtobýsta eki áıel kisiniń «Atameken» jobasy týraly aıtqanyn estip qaldym. Úıge kelip, anyqtama telefonyn taýyp habarlastym. Sóıtip, 2019 jyly qarashada sońǵy lekpen 24 kúndik bıznes-josparǵa baılanysty tegin kýrsqa jazyldym. Árqaısysymyzǵa 18 myń shákirtaqy tólendi. Bir topta 70 adam oqydyq. Kýrs sońynda bıznes-jobamyzdy qorǵadyq. Sátti shyqqan jobalarǵa 505 myń teńge grant berdi. Meniń alǵash usynǵan massaj kabınetin ashý týraly jobam grantty jeńip aldy. Jeltoqsanda kásipti bastadyq. Qyzmetkerlerdiń bir aılyq jalaqysyn bergen soń, pandemııa bastalyp ketti. Ári qaraı jalǵastyrmadyq. Oılanyp júrgende, ózime jaqyn salany baıqap kórgim keldi. Sebebi mamandyǵym muǵalim bolǵan soń balalarǵa jaqyn salany tańdaǵym keldi. Osylaısha óz qarajatyma kópbalaly analarmen birlesip, Baıqońyr aýdanynan qanatqaqty joba retinde oqý ortalyǵyn ashtyq. Sosyn «Bastaý Bıznes» jobasy bergen 505 myń teńge sertıfıkatymen «Jol kartasy-2025» jobasyna qatysýǵa múmkindik bar ekenin estidim. Iаǵnı bıznesti keńeıtýge bolady. Osy jobaǵa qatysyp, jazda 5 mln grant uttym. Keıin qanatqaqty joba retinde ashylǵan ortalyqta qarashada suranys bolyp, Saryarqa aýdanyndaǵy osy Bilim ALL oqý ortalyǵynyń jumysyna kiristik», dedi kásipker.
Qazir ortalyqta 115 otbasydan 208 bala tegin úıirmelerge qatysady. Bir otbasyndaǵy 5 bala qatysatyndar da bar eken. Munda mektepaldy daıarlyq, sheshendik óner, gıtara, dombyra, vokal, shahmat, aǵylshyn tili boıynsha sabaq júrgiziledi.
«Negizi, «Áreketke – bereket» degen ras. Qazirgi ýaqytta memleket tarapynan kómek kóp beriledi. Máselen, bastapqyda Saryarqa aýdanynyń ákimdigi ǵımarattardy tegin berdi. Keıin 2-3 aıdan soń ózimiz retteldik. Sonyń arqasynda osy jyly ǵımarat alyp, ekinshi fılıalymyzdy ashaıyn dep otyrmyz. Ekinshi ortalyǵymyz dástúrli án mektebi bolady. Onda balalardy aıtys, jyraýlyqqa baýlyǵymyz keledi», dedi ortalyq basshysy.
«Atameken» jobasy bergen bul granttardy kásipkerler qaıtarmaıdy. Tek ýaqytyly esebin berip otyrady. Bul da kásip bastaýshylarǵa kómek desek bolady.
«Búgingi tańda ortalyqta 15 muǵalim jumys isteıdi. Jumyspen qamtý ortalyǵy jibergen 10 maman jáne burynnan istep kele jatqan 5 muǵalim bar. Áleýmettik jobalardy qoldaý úshin jumyspen qamtý ortalyǵy mamandar jiberip otyrady. Olardyń aılyǵy – 91 myń teńge. Barlyǵy memleket tarapynan tólenedi. Kelgen jas mamandar bizden tájirıbe jınap, ári qaraı eńbek jolyn jalǵastyra beredi», deıdi Uljan Myrzageldıeva.
Ortalyqta erekshe qajettiligi bar balalar men kópbalaly otbasy balalary tegin qatysady. Bala sany kóp bolǵandyqtan, qosymsha orynǵa tirkep qoıady. Ortalyqqa qatysýshylardyń óz erejesi bar. Iаǵnı oqýshy 3 kún sabaqqa sebepsiz qatyspasa, ornyna qosymsha oryndaǵy bala qatysady. Bul ereje aldyn ala eskertiledi.
«Bir kúni oqýshym qysta aıaǵyn syndyryp alǵan. Sodan anasyna «Uljan apaı meni oqýdan shyǵarady, barmasam bolmaıdy» dep jylaıdy eken. Sóıtip, anasy habarlasyp, jaǵdaıdy eskertti. Salmaqty sebep bolǵandyqtan, túsinistik tanyttyq. Bizge erekshe qajettiligi bar balalardy «Baqytty shańyraq» qory jiberedi. Al jalpy 5-17 jastaǵy balalardy qabyldaımyz», dedi Uljan Myrzageldıeva.
Ortalyqta, tegin úıirmelerden bólek, aqyly kýrstar da bar. Bala-lardyń kópshiligi shahmat pen gıtara úıirmesine jazylady eken. Shahmattan qalalyq, oblystyq, respýblıkalyq týrnırge jıi qatysady.
«Bizdiń ortalyqqa qalamyz¬daǵy basqa aýdan balalary kele almaıdy. Sebebi ár aýdanda osyndaı ortalyq bar. Aldaǵy ýaqytta úıirme¬lerge karate men ulttyq bıdi qosý oıymyzda bar», dedi joba grantynyń ıegeri.
Bilim ALL oqý ortalyǵynyń 50 oqýshysy lagerge joldama alyp, demalyp kelgen. Budan bólek, Balqashtaǵy «Baldáýrenge» 10 bala barǵan. Ortalyq basshysynyń aıtýynsha, munyń bári memleket tarapynan berilip otyr.
«Jumyssyz júrgen kópbalaly analarǵa «Bıznes bastaý» baǵdarlamasy óte tamasha dep aıtar edim. Men bárin «nólden» bastadym. Sondyqtan óziń qyzyǵatyn salada kásip ashý ońaı. Áleýmettik jobalarǵa qalalyq jáne aýdandyq ákimdik jıi kómektesedi. Sonyń dáleli, balalar kúninde Saryarqa aýdanynyń ákimdigi oqýshylary¬myzǵa tegin balmuzdaq taratty. Qala kúninde «Báıterekti» kórip, tegin kıno kórsetti. Munyń barlyǵy da keremet qoldaý dep bilemin. Sondyqtan kez kelgen adam áreket etse, kez kelgen kásibinde bereket bolary anyq», dedi kásipker.
«Bastaý Bıznes» jobasynyń negizgi maqsaty – halyqty kásipkerlikke baýlý arqyly ekonomıkalyq belsendiligin arttyrý. «Bastaý Bıznes» jobasyna jumyssyz jastar, onyń ishinde NEET sanatyna jatatyn qyz-jigitter, jas otbasylar, az qamtylǵan jáne kópbalaly otbasy¬lar qatysa alady.