16 jáne 17 shildede aýa raıynyń kúrt nasharlaýyna baılanysty Qazaqstannyń alty oblysynda daýyldy eskertý jarııalandy, dep habarlaıdy Egemen.kz.
Qazgıdromettiń málimetinshe alty oblysta burshaq jaýyp, qatty jel turady ári aptap ystyqqa baılanysty tótenshe órt qaýpi kútiledi. 16 shildede Soltústik Qazaqstan oblysynyń basym bóliginde jańbyr jaýady, óńirdiń soltústiginde, batysynda, ońtústiginde naızaǵaı oınap, kúndiz burshaq túsýi, daýyl turýy yqtımal.
Túnde jáne tańerteń oblystyń soltústik-shyǵysynda tuman túsedi dep kútiledi. Kúndiz atalǵan óńirdiń soltústiginde, batysynda, ońtústiginde shyǵystan, soltústik-shyǵystan 15-20 m/s jyldamdyqpen jel soǵady, keı tusta ekpini 23 m/s jetedi. 16 shildede Petropavlda kún kúrkireıdi.
16 shildede kúndiz Batys Qazaqstan oblysynyń basym bóliginde +35…+ 38°C qatty ystyq bolady dep kútiledi. О́ńirdiń ońtústik-shyǵysynda, batysynda tótenshe órt qaýpi saqtalady.
Oralda 16 shildede kúndiz +35°C qatty ystyq bolady dep kútiledi.
16 shildede kúndiz Qyzylorda oblysynda 43 gradýs aptap ystyq bolady dep kútiledi. Oblystyń basym bóliginde tótenshe órt qaýpi saqtalady. Qyzylordada kúndiz: +43°C
16-17 shildede Túrkistan oblysynyń soltústiginde, batysynda, taýly aýdandarynda shyǵystan 15-20 m/s jyldamdyqpen jel soǵady. Kúndiz óńirdiń basym bóliginde +41…+43°C shamasynda qatty ystyq bolady dep boljanady.
Túrkistanda 16-17 shildede shyǵystan jel soǵady, ekpini 15-20 m/s jetedi, kúndiz qatty ystyq bolady: +41…+40°C. Sınoptıkter Shymkentte 16-17 shildede kúndiz qatty ystyq bolady dep boljaıdy.
16 shildede kúndiz Aqtóbe oblysynyń soltústik-shyǵysynda soltústik-batystan jel soǵady, ekpini 15 m/s quraıdy. Synap baǵany 37°C kórsetedi.
16 shildede kúndiz Atyraý oblysynda jáne Atyraýda +35…+ 37°C qatty ystyq bolady, oblystyń ońtústiginde aptap ystyq kútiledi: +40°C. О́ńirdiń batysynda tótenshe órt qaýpi saqtalady.