1 shildedegi jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 16 061 shetel azamaty eńbek etedi, dep habarlaıdy Egemen.kz.
Shetel jumys kúshin tartýǵa ruqsattardyń arasynda basshylar men olardyń orynbasarlary úshin 603 ruqsat jáne qurylymdyq bólimshelerdiń basshylary úshin 3 131 ruqsat bar. Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 970 jáne 1 021 adam. Sondaı-aq maýsymdyq jumystarǵa 1 430 adam, al korporatıvtik aýystyrý aıasynda 1 906 adam tartyldy.
Qazirgi Qazaqstanda ShJK paıdalanatyn 1 766 jumys berýshi bar. Olarda 397 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96% - y.
Eńbek mıgranttary keletin negizgi elder: Qytaı – 3 587 adam, Túrkııa – 1 820 adam, Úndistan – 1 691 adam, О́zbekstan – 1 563 adam, Ulybrıtanııa – 1 123 adam.
Ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota bóledi. Osy jylǵy qańtarda iri otandyq bıznes ókilderimen kezdesý qorytyndysy boıynsha Memleket basshysynyń bergen tapsyrmasyn oryndaý úshin mınıstrlik shetel jumys kúshin tartýǵa arnalǵan kvotany buryn josparlanǵan 28 352 birlikten 23 560 birlikke deıin, ıaǵnı 4 792 adamǵa (16%) qysqartty.