Atyraý qalasy ákiminiń jańa orynbasary bolyp Serik Nysanbaev taǵaıyndaldy, dep habarlaıdy Egemen.kz.
Serik Baǵytjanuly 1980 jyly týǵan. Bilimi – joǵary. Ol 2003 jyly H.Dosmuhamedov atyndaǵy Atyraý memlekettik ýnıversıtetin quqyqtaný mamandyǵy boıynsha bitirgen. Eńbek jolyn Atyraý qalalyq ákimdiginde bastaǵan.
2003-2008 jyldar aralyǵynda Atyraý qalalyq ákimdigi apparatynda memlekettik-quqyqtyq jumys bóliminiń bas mamany laýazymyn atqarǵan.
2008-2017 jyldary aralyǵynda Atyraý qalalyq ákimdigi apparatynda memlekettik-quqyqtyq jumys bóliminiń basshysy laýazymynda bolǵan.
Al, 2017 jyldan bastap osy taǵaıyndaýǵa deıin Atyraý qalalyq ákimdigi apparatynyń basshysy laýazymyn atqaryp keldi.
«Serik Baǵytjanuly eńbek jolyn qalalyq ákimdikte bastap, mol tájirıbe jınady. Qalanyń kommýnaldyq salasyndaǵy jumystardy úılestirip, turǵyndardyń áleýmettik-turmystyq ahýalyn jaqsartýǵa baǵyttalǵan tapsyrmalardyń ýaqytyly oryndalýyn qadaǵalaıdy», dedi Atyraý qalasynyń ákimi Meıirim Qalaýı.