Oblys boıynsha kongo-qyrym gemorragııalyq qyzbasymen 33 naýqas tirkeldi. Onyń 14-inde dıagnoz zerthanalyq túrde rastaldy. О́kinishtisi, tórt adam qaıtys boldy. Densaýlyq saqtaý mamandary turǵyndardy tabıǵatta, dalada, mal júretin aýlalarda barynsha saq bolýǵa shaqyrady.
«Qaıtys bolǵan naýqastar - Qyzylorda qalasy, Jalaǵash, Shıeli aýdandarynyń turǵyndary.
Qazirgi tańda Kongo-Qyrym gemorragııalyq qyzbasymen aýyryp, 1 naýqas em alýda. Tıisti medısınalyq em sharalary qoldanylǵan 9 naýqas qanaǵattanarlyq jaǵdaıda úılerine shyǵaryldy. Kongo-Qyrym gemorragııalyq qyzbasyn boldyrmaý, aldyn alý sharalary da kóptep júrgizilýde», dedi oblystyq densaýlyq saqtaý basqarmasy basshysynyń orynbasary Jangeldi Myrzageldiuly.