Jetisý oblystyq Polısııa departamentiniń bastyǵy qyzmetine Atyǵaı Arystanov taǵaıyndaldy, dep habarlaıdy Egemen.kz.
Prezıdent Ákimshiliginiń kelisimi boıynsha Jetisý oblystyq polısııa departamentiniń bastyǵy qyzmetine polısııa general-maıory Atyǵaı Arystanov taǵaıyndaldy. Jańa bastyqty jeke quramǵa Qazaqstan Respýblıkasy Ishki ister mınıstriniń orynbasary Qaırat Súntaev tanystyrdy.
Polısııa general-maıory Atyǵaı Arystanov Ǵazymbekuly 1971 jyldyń 19 qarashasynda Qostanaı oblysynda dúnıege kelgen. Bilimi – quqyqtaný, quqyq qorǵaý qyzmetiniń magıstri.
1998 jyly Abaı atyndaǵy Almaty memlekettik ýnıversıtetin, 2005 jyly – QR IIM B.Beısenov atyndaǵy Qaraǵandy zań ınstıtýtynyń magıstratýrasyn bitirdi. Ishki ister organdarynda 1992 jylǵy jeltoqsannan bastap qyzmet atqarady. Eńbek jolyn jedel qyzmetkerden bastap qyzmet jáne jedel jumys basshysyna deıin ár túrli laýazymdarda atqarǵan.
2008-2010 jyldary – Almaty qalasy Ishki ister departamenti Bostandyq aýdany ishki ister basqarmasynyń bastyǵy.
2010-2012 jyldary – Aqmola oblysy IID Krımınaldyq polısııa basqarmasynyń bastyǵy.
2012-2016 jyldary – Qostanaı oblysynyń Ishki ister departamenti bastyǵynyń birinshi orynbasary.
2016 jyly – Qazaqstan Respýblıkasy IIM Krımınaldyq polısııa departamenti bastyǵynyń orynbasary.
2016-2019 jyldary – Qazaqstan Respýblıkasy IIM ekstremızmge qarsy is-qımyl departamentiniń bastyǵy.
2019-2021 jyldary – Aqtóbe oblysy PD bastyǵy.
2021 jylǵy 16 qazannan bastap – Qazaqstan Respýblıkasy IIM Ákimshilik polısııa komıtetiniń tóraǵasy.
II dárejeli «Aıbyn» ordeni memlekettik marapatynyń ıegeri.