Elordada erler men áıelder arasynda Prezıdent kýbogynyń fınalyna shyqqan tennısshilerdiń esimderi anyqtaldy, dep habarlaıdy Egemen.kz.
QTF habarlaǵandaı, Denıs Evseev óz sporttyq jolynda alǵash ret chellendjer týrnıriniń fınalyna joldama aldy.
Denıs Evseev jartylaı fınalda otandasy Beıbit Jýkaevty 6:4, 6:4 esebimen utty. Ár partııada Denıs bir-birden breık jasady.
Endi ol jeksenbi kúni ótetin fınalda jarystyń birinshi raketkasy, reseılik Roman Safıýllınmen bas júldeni sarapqa salady.
Roman Safıýllın jartylaı fınalda taǵy bir qazaqstandyq Dmıtrıı Popkodan aılasyn asyrdy. Esep - 6:3, 6:2.
Prezıdent kýbogy aıasynda áıelder arasynda ITF M60 dodasynda sońǵy básekede japonııalyq Moıýka Ýchıdjıma men serbııalyq Natalıa Stefanovıch kezdesedi.