Tamyzda ótetin UBT-ǵa qatysý úshin ótinim qabyldaý 25 shildede bastalyp, 30 shildege deıin jalǵasady. UBT-ǵa tirkelý Ulttyq testileý ortalyǵynyń saıtynda júrgiziledi, dep habarlaıdy Egemen.kz.
Tamyzdaǵy UBT shekti ball jınaı almaǵan talapkerlerdiń testileýden qaıta ótip, JOO-ǵa aqyly negizde túsý úshin ótkiziledi.
Aıta ketsek, osy UBT-ǵa bıylǵy jáne ótken jyldardyń mektep túlekteri, kolledj túlekteri men sheteldik mektepte bilim alǵandar qatysa alady. Negizgi UBT sekildi tamyzdaǵy testileý elektrondy formatta 10-13 tamyz aralyǵynda ótedi. Tirkelý kezinde testilenýshiler emtıhan ótkiziletin oryndy, kúndi jáne ýaqytty ózderi tańdaıdy. Negizgi UBT-ǵa qatysqan talapkerler beıindik pánder kombınasııasyn tamyz testileýinde ózgerte alady.
«Qańtar-shilde aralyǵynda ótken UBT-da keı talapkerler shekti ball jınaı almady. Shekti balsyz olar elimizdiń joǵary oqý oryndaryna túse almaıdy. Biz osy balalardyń aqyly bólimge túsý múmkindigi bolýy úshin, tamyz aıynda qaıta testileýden ótýge jaǵdaı jasadyq. Oqýǵa túsý úshin shektik ball jáne ár pánnen keminde 5 ball jınaý qajet», dedi Ulttyq testileý ortalyǵynyń dırektory Rýslan Emelbaev.