AQSh prezıdentiniń jeke dárigeri Kevın O'Konor Djo Baıdenniń tolyq saýyǵyp ketkenin rastady, dep habarlaıdy Egemen.kz.
Bul týraly sársenbi kúni Aq úı taratqan dárigerdiń resmı baıandamasynda aıtylǵan.
«Prezıdent Baıden bes kúndik PAXLOVID kýrsyn aıaqtady. Búginge deıin ol bes kún boıy oqshaýlanǵan rejımde jumys istedi», delingen qujatta.
Prezıdenttiń keshe túnde jáne búgin tańerteń SARS-CoV-2 vırýsyna tapsyrǵan synamasy teris nátıje kórsetken. Bul onyń COVID-19-dan qulan taza aıyqqanyn bildiredi. Osyǵan baılanysty prezıdent Baıden qatań oqshaýlaý sharalaryn toqtatady.
Aq úı basshysynyń ózi dárigerlerge, sondaı-aq ony qoldaǵandardyń barlyǵyna alǵysyn bildirdi. Tvıtterdegi resmı paraqshasynda ol testileý nátıjesi teris bolǵan sýretin jarııalap, jumys kabınetine qaıta oralatynyn jazdy.