Jambyl oblysy ákiminiń ókimimen Jarylqasyn Aıtaqov eńbek ınspeksııasy basqarmasynyń basshysy – bas memlekettik eńbek ınspektory bolyp taǵaıyndaldy, dep habarlaıdy Egemen.kz.
Ol Jambyl gıdromelıoratıvtik-qurylys ınstıtýtyn, M.H. Dýlatı atyndaǵy Taraz memlekettik ýnıversıtetin, «Áýlıe-Ata» ýnıversıtetin, Jambyl gýmanıtarlyq-tehnıkalyq ýnıversıtetin bitirgen.
Eńbek jolyn 1985 jyly RF-da mehanık bolyp bastaǵan. Ár jyldary Býrnenskıı SPTÝ-15 oqytýshysy, dırektordyń orynbasary, LKSM Jýaly aýdandyq komıtetiniń birinshi hatshysy bolyp jumys istedi. Uıymdastyrý jumysy bóliminiń meńgerýshisi boldy, Jýaly aýdany ákiminiń apparatyn basqardy. Jýaly aýdany ákiminiń orynbasary, Jambyl oblysy ákimi apparatynyń qarjy-sharýashylyq bóliminiń meńgerýshisi, Jýaly aýdandyq máslıhatynyń hatshysy, Jambyl oblysy boıynsha Tekserý komıssııasynyń tóraǵasy bolyp jumys istedi. Rysqulov jáne Shý aýdandarynyń ákimi qyzmetterin atqarǵan.
2021 jyldyń shilde aıynan búgingi kúnge deıin Jambyl oblysynyń tabıǵı resýrstar jáne tabıǵatty paıdalanýdy retteý basqarmasy basshysynyń orynbasary qyzmetin atqardy.