Taraz qalasyndaǵy oblystyq tarıhı-ólketaný mýzeıinde kelýshiler tarapynan qyzyǵýshylyq týdyratyn jádigerler az emes. Olardyń qatarynda qyshtan jasalǵan ossýarıı dep atalatyn kıiz úı pishindes jádiger de bar. Mýzeıge kelýshiler jumbaǵy mol ossýarıı týraly kóbirek bilýge qushtar.
Derekterge sensek, ossýarıı 1950 jyly sol kezdegi Jambyl qalasyndaǵy zoroastrıalyq zırattan tabylǵan eken. Qyshtan jasalǵan ydys tárizdi jádigerdiń ózine tán syry da joq emes. Ashylyp jabylatyn qaqpaqtyń tutqasy qazba jumystary kezinde short synǵan bolýy múmkin. Al qaqpaqtyń astyndaǵy qaptamanyń betinde taqta ornalasqan. Jádigerdiń qabyrǵasynda kóldeneńinen ornalasqan eki adamnyń beınesi bar eken.
«Mýzeıge kelýshilerdi birneshe jádiger qatty qyzyqtyrady. Olardyń qatarynda osy ossýarıı de bar. Jurt kóbinese munyń qaıdan tabylǵanyn, tarıhyn surap jatady. Mamandar qyshtan jasalǵan bul jádigerdiń tarıhyn VI-VIII ǵasyrlarmen sabaqtastyryp jatady. Munyń ishinde adam súıekteri bar», deıdi atalǵan mýzeıdiń qyzmetkeri Uljan Omarova jádiger tarıhy jaıly pikirin bildirip.
Jambyl oblysy