Elordada NEET sanatyndaǵy jastarǵa kómek pen qoldaý kórsetýge baǵyttalǵan «Úzdik» jobasy iske asyrylyp jatyr, dep habarlaıdy Egemen.kz qala ákimdiginiń resmı saıtyna silteme jasap.
«Astana jastary» jastar resýrstyq ortalyǵy elordanyń Jastar saıasaty máseleleri basqarmasynyń qoldaýymen 27 maýsymda «Úzdik» jobasyn iske qosty, onyń aıasynda NEET sanatyndaǵy jastarmen tyǵyz jumys júzege asyrylady.
Joba jastardy áleýmettendirýge, jumysqa ornalastyrýǵa, bıznes jobalar men bıznesti oqytýdy iske asyrýǵa baǵyttalǵan. Atalǵan joba aıasynda memlekettik granttardy bólý kózdeledi.
Aıta ketsek, tehnıkalyq qyzmet kórsetý jáne áleýmettik qyzmet kórsetý salasynda jumys isteıtin jastar arasynda, sondaı-aq NEET sanatyndaǵy jastar arasynda konkýrs ótkiziledi. Onyń maqsaty - 15 baǵyt boıynsha jumysshy mamandyqtarynyń ımıdjin jaqsartý jáne tanymal etý. («Úzdik shınomontajnık-2022», «Jyl santehnıgi-2022», «Jyldyń aǵash ustasy-2022», «Jyl elektrıgi-2022», «Jyldyń jıhaz qurastyrýshysy-2022» jáne t.b.). Eki aptada bir ret ár baǵyt boıynsha irikteý bolady.
Sondaı-aq osy jyldyń sońyna deıin «Úzdik» jobasy aıasynda shet tilderin oqytý, jyldam oqý, qarjylyq jáne kompıýterlik saýattylyq boıynsha semınar-trenıngter, bıznes-trenıngter, zańgerlik jáne psıhologııalyq konsýltasııalar ótkizý josparlanǵan.