26 shildede «Qyzylsaı» memlekettik óńirlik tabıǵı parki kommýnaldyq memlekettik mekemesiniń ınspektorlary «Kendirli-Qaıasan» qoryq aımaǵy kúzet qyzmetiniń ınspektorlarymen birge erekshe qorǵalatyn tabıǵı aýmaqtarǵa baqylaý jumystaryn júrgizdi, dep habarlaıdy Egemen.kz mangystaymedia.kz-ke silteme jasap.
Nátıjesinde, Beıneý aýdanyna qarasty Tólep aýylynyń eki azamaty, ańdar sý ishetin bulaqtar mańyna qaqpan quryp júrgen jerinen ustaldy. Olardan eki motosıkl kóligimen tórt qaqpan tabylǵan. Inspektorlar olardy Mańǵystaý aýdandyq polısııa bólimine tabystady.Tergep-tekserý bitkesin tıisti qujattar Mańǵystaý aýdandyq sotyna joldanyp, zań sheńberinde ákimshilik shara qoldanylady.