Shymkentte eki jasar bala kópqabatty úıdiń terezesinen qulap ketti. Qalalyq balalar aýrýhanasyna jetkizilgen ol aýyr halde jatyr, dep habarlaıdy Egemen.kz.
Qalalyq TJD baspasóz qyzmetiniń málimetinshe, oqys oqıǵa búgin saǵat 14:00 shamasynda «Turan» shaǵynaýdanynda bolǵan. Bes qabatty turǵyn úıdiń ekinshi qabatynan qulaǵan búldirshin úlkenderdiń qaraýynsyz qalǵany belgili boldy. Qazir ol aýrýhanada jatyr.
«Oqıǵanyń mán-jaıyn polısııa qyzmetkerleri anyqtaıdy. Jyl basynan beri Shymkent qalasynda balalardyń terezeden qulaý jaǵdaıy 4-shi ret tirkelip otyr. Barlyq jaǵdaıda balalar ata-analarynyń qaraýynsyz qalǵan», delingen habarlamada.