Qazaqstan Úkimetiniń 2022 jylǵy 5 tamyzdaǵy qaýlysymen joǵary jáne joǵary oqý ornynan keıingi bilim berý uıymdarynyń erekshe mártebesi týraly erejege ózgerister engizildi, dep habarlaıdy Egemen.kz.
Atap aıtqanda, uıymdyq-quqyqtyq nysanyna qaramastan, erekshe mártebesi bar joǵary jáne joǵary oqý ornynan keıingi bilim berý uıymdarynyń professorlyq-oqytýshylyq quramy men basshy qyzmetkerleriniń laýazymdyq jalaqylary, QR Prezıdenti janyndaǵy Memlekettik basqarý akademııasyn, QR Joǵarǵy Soty Janyndaǵy Sot tóreligi akademııasyn qospaǵanda, laýazymdyq jalaqylardyń belgilengen mólsherine 1,2 arttyrý koeffısıentin eskere otyryp aıqyndalady, arttyrý koeffısıenti zańmen belgilenedi.
Bul rette uıymdastyrý-quqyqtyq nysanyna qaramastan, erekshe mártebesi bar densaýlyq saqtaý salasyndaǵy JOO-nyń professorlyq-oqytýshylyq quramynyń jáne basshy qyzmetkerleriniń laýazymdyq aılyǵy laýazymdyq aılyqaqylardyń belgilengen mólsherine 1,75 arttyrý koeffısıentin eskere otyryp aıqyndalady.
Professor-oqytýshylar quramynyń jáne basshy qyzmetkerlerdiń laýazymdyq jalaqylary laýazymdyq jalaqylardyń belgilengen mólsherine 3,5 arttyrý koeffısıentin eskere otyryp aıqyndalady.
Qaýly 2022 jylǵy 19 tamyzdan bastap qoldanysqa engiziledi.