Qaraǵandyda jeńil kólik pen avtobýstyń jol-kólik oqıǵasy kezinde qoǵamdyq kólik balalar emhanasynyń qorshaýyna soǵyldy, dep habarlaıdy Egemen.kz.
Áleýmettik jelide jol apatynyń vıdeosy paıda boldy.
«11 tamyz kúni saǵat 9:00 shamasynda Qaraǵandyda 26 jastaǵy júrgizýshi 23-yqshamaýdannan 22-yqshamaýdanǵa qaraı bara jatyp, qarsy jolaqta kele jatqan 53 jastaǵy júrgizýshiniń basqarýyndaǵy jolaýshylar avtobýsymen soqtyǵysqan. Oqıǵa saldarynan avtobýs medısınalyq mekemeniń qorshaýyn soǵyp ketken», dep túsindirdi oblystyq Polısııa departamentindegi kadrlar.
Avtobýsta úsh jolaýshy bolǵan. Olardyń bireýi qolyn jaraqattap alǵan. Oǵan medısınalyq kómek kórsetildi.
Oqıǵaǵa qatysty tıisti saraptamalar taǵaıyndaldy, onyń qorytyndysy boıynsha prosessýaldyq sheshim qabyldanady.