Soltústik Qazaqstan oblysynyń bilim berý uıymdarynda 600-ge jýyq bos oryn bar, dep habarlaıdy Egemen.kz.
Bilim basqarmasynyń baspasóz qyzmeti habarlaǵandaı, muǵalimderdiń zeınetkerlikke shyǵýyna baılanysty bos oryndar paıda boldy. Oqý jylynyń qorytyndysy boıynsha oblys mektepterinde zeınet jasyndaǵy 418 muǵalim jumys istedi.
«400-den astam jas mamandy qabyldaý josparlanýda. Onyń 75 paıyzy aýyldy jerge barady. 1 qyrkúıekten bastap oblys ákiminiń granty esebinen bilim alǵan 36 túlek jumysqa kirisedi. Kelisimshartqa sáıkes, olar oblystaǵy bilim berý uıymdarynda keminde úsh jyl jumys isteýi kerek. 472 mekteptiń 75 paıyzy shaǵyn mektep. Bul jerde sabaqtas pánder (hımııa-bıologııa, fızıka-matematıka, matematıka-ınformatıka jáne t.b.) boıynsha biliktiligi bar oqytýshylar qajet», delingen baspasóz qyzmetinde.
Sondaı-aq aýyl mektepterine jumysqa kelgen jas mamandar 100 AEK (300 myń teńgeden astam) kóleminde kóterme járdemaqy jáne 1500 AEK (4,7 mln astam) kóleminde turǵyn úı satyp alýǵa bıýdjettik nesıe ala alady.