Abaı oblystyq Qarjy basqarmasynyń basshysy laýazymyna konkýrstyq rásimderdiń nátıjesi boıynsha Ádilet Qojanbaev taǵaıyndaldy, dep habarlaıdy Egemen.kz.
Ádilet Nursaǵatuly 1980 jyly burynǵy Semeı oblysynyń Kókpekti aýdanynda dúnıege kelgen.
Eńbek jolyn 2001 jyly «BTA Ipoteka» AQ keńsesiniń mamany bolyp bastaǵan. Kóp jyldar boıy qarjy salasynda jumys istedi.
2014-2016 jyldar aralyǵynda «Qazaqstannyń turǵyn úı qurylys jınaq banki» AQ Operasııalyq departamentiniń dırektory laýazymyn atqarǵan.
2016-2017 jyldary atalǵan departamentte basqarýshy dırektor bolyp eńbek etti.
2017-2021 jyldary aralyǵynda «Qazaqstannyń turǵyn úı qurylys jınaq banki» AQ Basqarmasy tóraǵasynyń orynbasary, Basqarma múshesi bolǵan.
2021-2022 jyldary «Qazaqtelekom» AQ Almaty fılıaly Servıstik fabrıkanyń Bas dırektory bolyp jumys istegen.