Túrkistan polıseıleri taksı júrgizýshisinen 10 keliden astam esirtki tárkiledi, dep habarlaıdy Egemen.kz.
Túrkistan oblysy PD Esirtki qylmysyna qarsy is-qımyl basqarmasynyń jedel ýákilderi patrýldik polısııa qyzmetkerlerimen birge esirtki zattaryn tasymaldaýy múmkin degen kúdikti júrgizýshini ustady.
Jedel-izdestirý sharalary barysynda polıseıler Túlkibas aýdany aýmaǵyndaǵy «Batys Qytaı - Batys Eýropa» tas jolynda «Aýdı S4» markaly avtokólikti toqtatty.Tintý kezinde avtokólik salonynan ishinde esirtkige uqsas zaty bar salmaǵy 10 keliden asatyn 1 qap pen 1 polıetılen paket tabylyp, tárkilendi. Saraptama nátıjesinde onyń keptirilgen marıhýana ekeni anyqtaldy.
«Kúdikti buryn sotty bolǵan, jeke tasymalymen aınalysatyn júrgizýshi, Jambyl oblysynyń turǵyny», dep atap ótti Túrkistan oblystyq Polısııa departamenti.