Balalarynyń kózinshe áıelin uryp óltirgen azamatqa qatysty sot úkimi shyqty. Sot er adamǵa 17 jylǵa bas bostandyǵynan aıyrý jazasyn taǵaıyndady, dep habarlaıdy Egemen.kz.
Oqıǵa 28 sáýirde Túrkistan oblysynda bolǵan.
«M. esimdi azamat úıinde ishimdik iship, ashý ústinde jubaıyn balalarynyń kózinshe urǵan. Jábirlenýshi alǵan jaraqatynan oqıǵa ornynda kóz jumǵan. Jaza taǵaıyndaý kezinde sot qylmystyq quqyq buzýshylyqtyń sıpaty men qoǵamdyq qaýiptilik dárejesin, sottalýshynyń jeke basyn, jaýaptylyq pen jazany jeńildetetin jáne aýyrlatatyn mán-jaılardy nazarǵa aldy», dedi Túrkistan oblysynyń qylmystyq ister jónindegi mamandandyrylǵan aýdanaralyq sotynyń tóraǵasy Qasym Qalmaǵambetov.
Aıyptalýshy jazasyn qaýipsizdigi eń joǵary qylmystyq-atqarý júıesi mekemesinde óteıdi.