Jas skrıpkashy Ámına Arystanbek World Championships of Perfoming Arts (WCOPA, Los-Andjeles) aýqymdy amerıkalyq jobadan júldemen oraldy. On jastaǵy ónerpaz vokal baǵyty boıynsha kúmis, «Aspaptyq óner» baǵyty boıynsha qola medaldy ıelenip qaıtty.
Atalǵan óner dodasyna 100 memleketten 6 000-ǵa jýyq talantty jastar qatysqan. Al Ámına Arystanbek chempıonat tarıhynda jasóspirimder arasynda jobanyń jartylaı fınalyna deıin jetken tuńǵysh qazaqstandyq ónerpaz retinde óz ónerin joǵary deńgeıde kórsete bildi. Aıta keteıik, ónerli jas baıqaýda «Kókke órle», «Men – qazaq qyzy» shyǵarmalaryn oryndady.
Dúnıejúzilik amerıkalyq talanttar chempıonaty bul joly óziniń 25 jyldyq mereıtoıyn atap ótti. Sol sebepti de baıqaýǵa dástúrli 3 000 úmitker emes, 6 000 ónerpaz qatysqan.
«Baıqaýda básekelestik deńgeıi óte joǵary boldy. Qatysýshylar shama-sharqy jetkenshe ózderin laıyqty kórsete bildi. Ámına da jastyǵyna qaramastan ózin óte baısaldy ustady», deıdi baldyrǵannyń vokal boıynsha ustazy Leıla Bolatbek.
Jas talant buǵan deıin de kóptegen baıqaýda jeńimpaz atanyp júrdi. Máselen, 2019 jyly Ispanııada ótken halyqaralyq skrıpkashylar baıqaýynda 1-oryn, 2021 jyly Italııada ótken Sanremo Junior baıqaýynda 2-oryn aldy.
Al osy Amerıkaǵa saparynda ónerpaz óz ánderiniń birine beınebaıan túsirip úlgergen. Jańa týyndyǵa uzaq jyldar boıy AQSh-ta turyp jatqan Bahodyr Iýldashev rejısserlik etti. Kúzde Qazaqstanda atalǵan týyndynyń tusaýkeserin ótkizý josparlanyp otyr.