Jýyrda Býrabaıǵa qydyryp bardyq. Bólektaýǵa shyǵyp edik, sol jerde orys tildi ekskýrsııa júrgizýshi aldynda turǵan adamdarǵa osy óńir týraly ańyzdar aıtyp jatyr eken.
Bir kezde kezek Jumbaqtasqa keldi. Ekskýrsııa júrgizýshi jigit áńgimesin bylaı dep bastady: «Vy znaete Kalmykskýıý Avtonomnýıý Respýblıký v Rossıı, vot ottýda odın bogatyı chelovek hotel otdat svoıý doch za kazaha...». Sol kezde meni óz tobymnyń adamdary shaqyryp, qalmaq baıdyń ne sebepti qazaqqa qyzyn bermegenin estı almaı qaldym. Al ári qaraı ol bylaı dedi: «Tak vot kajdyı batyr hotel vzıat sebe v jeny etý krasavısý...».
Ekskýrsııa júrgizýshi jigittiń odan keıingi aıtqandarynda ańyzdaǵydan kóp aıyrmashylyq bolǵan joq. Meni tańdandyrǵany «Kalmykskaıa Respýblıka v Rossıı» degen sózderi boldy. Bul ne?! Jigit ańyzdy durys bilmeı me, álde ádeıi burmalap tur ma?! Mundaı shala saýatty adamdy ekskýrsııa júrgizýshi retinde jibergen kim?! Álde ol óz betimen halyqty serýendetip júrgen bireý me?! Mundaı soraqylyqty Býrabaı parkiniń ákimshiligi nege bilmeıdi?!
Qysqasy, onyń basqa sózderi men ataýlarynda da qatelikter boldy. Mysaly, ol «Ozero Borovoe», «Maloe ı Bolshoe Chebache», «Gora Sınıýha», «Trı Sestry» dep aıtty. Al kólderdiń ataýlary «Áýlıekól», «Aınakól», osy jer «Býrabaı», taý «Kókshe» emes pe edi?! Bul – osy ólkeniń ǵana emes, qazaq jeriniń tarıhı, mádenı, rýhanı qazynalaryn burmalap, nuqsan keltirý, mazaq etý ǵoı!
Býrabaı parkiniń ákimshiliginen ekskýrsııa júrgizýshilerin durys tańdap, durys oqytqanyn talap etemin!
Jamal SMAǴUL,
ardager muǵalim,
Y.Altynsarın tósbelgisiniń ıegeri
Aqmola oblysy,
Birjan sal aýdany