Kórkem shyǵarmanyń kókjıegi degen sózdiń jany bar sııaqty. Keı shyǵarmalar jazylady, alaıda kóp ótpeı ýaqyt synynan, zaman talabynan, oqyrmannyń nazarynan ótpeı qalady. Al keıbir týyndylardyń jyldar ótken saıyn salmaǵy arta túsedi. Máńgilik shyǵarmalar degenimiz áne solar. 1000 jyl buryn jazylǵan HI ǵasyrdaǵy Japonııanyń epıkalyq hıkaıasy «Gendzı týraly hıkaıany» Mýrasakı Shıkıbý esimdi áıel qalamger jazypty. Ol aqyndyqpen qatar Japon eliniń Heıan dáýirindegi ımperator saraıynda qyzmet etken.
Atalǵan hıkaıattan syrt ol «Mýrasakı hanymnyń kúndeligi» jáne 128 óleńnen quralǵan «Poetıkalyq estelikter» dep atalǵan jınaqtyń avtory. Onyń shyǵarmalary japon tiliniń aýyz eki tilden jazba tilge aýysqan kezeńinde japon jazýynyń jasalýy men damýynda mańyzdy ról atqarǵan.
Biz sóz etip otyrǵan álemdegi eń alǵashqy roman 1100 bet, 54 taraýdan turady. Avtor bul shyǵarmasyn tapjylmaı on jyl jazypty. Zertteýshiler bul eńbektiń alǵashqy taraýlaryn qalamger nekede turǵanda nemese kúıeýi qaıtys bolǵannan keıin, al keıingi bólimderin saraı sotynda laýazymdy qyzmet atqaryp júrgende qaǵazǵa túsirgen dep joramaldaıdy. Qandaı qyzmet atqarsa da, jazýyn tastamaǵan alǵashqy roman avtory osyndaı kólemdi týyndyny jaryqqa shyǵarý úshin ózgelerdiń kómegine muqtaj bolǵany shyndyq. Jankúıerleri oǵan qymbat qaǵaz ben sııa, sondaı-aq kallıgraftar alyp berip turady. Al alǵashqy qoljazba tomdardy kútýshi hanymdar jınap, jipke tizgen eken.
Synshy Kın óziniń «Japon ádebıetiniń ǵajaıyptary» atty eńbeginde Mýrasakı «japon fantastıkasynyń eń keremet týyndysyn» vaka sot kúndelikteriniń dástúrlerine súıene otyryp jazdy degendi aıtady.
Atalǵan romannyń eń sońǵy aǵylshyn tilindegi aýdarmasy 1300 betti quraıdy. «Bul – ádebıettiń monýmentaldy týyndysy», deıdi Garvard ýnıversıtetiniń japon óneri men mádenıetiniń professory Melıssa MakKormık. Al bilikti ádebıettanýshylar 1000 jyl buryn jazylǵan bul shyǵarmany álemdegi alǵashqy roman dep atady.