Áıgili ESPN arnasy orta salmaqta kúsh synasyp júrgen álemdegi eń myqty kásipqoı boksshylardyń reıtıngin jarııa etti.
Úzdikter tiziminde Qazaqstannyń eki sańlaǵy bar. WBA Super, IBF jáne IBO nusqalarynyń teńdessizi dep tanylǵan 40 jastaǵy Gennadıı Golovkın ekinshi oryndy ıelenýde. Eger 17 qyrkúıekte Las-Vegasta ótetin jekpe-jekte GGG meksıkalyq Saýl Alvaresti utatyn bolsa, onda jerlesimiz atalǵan reıtıngte jeke-dara kósh bastaıtyny anyq. Sanaýly kúnderden keıin WBO tujyrymynyń tolyqqandy chempıony atanǵaly otyrǵan 29 jastaǵy Jánibek Álimhanuly tórtinshi satyǵa jaıǵasty.
Orta salmaqtaǵylardyń kóshin WBC-tyń chempıony, amerıkalyq Djermall Charlo bastap tur. Úshinshi orynda – AQSh-tyń taǵy bir ókili Demetrıýs Andrade. Sondaı-aq «TOP-10» boksshynyń qatarynda japonııalyq Rıota Mýrata, meksıkalyq Haıme Mýngııa, ulybrıtanııalyq Krıs Iýbenk, domınıkandyq Karlos Adames, kýbalyq Erıslandı Lara jáne brazılııalyq Eskıva Falkao bar.