Petropavldyń eski saıabaǵynda shóp shaýyp júrgen jumysshy qalyń taldyń arasynan granata taýyp aldy, dep habarlaıdy Egemen.kz.
Oqıǵa ornyna arnaıy mamandar shaqyryldy.
Jumysshy granataǵa uqsaıtyn zatty kóre sala saıabaqty aınalyp ótip bara jatqan patrýldik polısııa qyzmetkerine habarlaǵan. Al ınspektor aqparatty 102 arnasyna joldap, jarylǵysh zat jatqan jerge eshkimdi jaqyndatpaǵan.
Shaqyrýmen kelgen mamandar jarylǵysh zat dep kúdiktengen zattyń alǵashqy áskerı daıyndyq sabaǵyn ótkizýge arnalǵan ÝZRGM tıpti granatasy ekenin anyqtady. Bul qural adam ómirine qaýip tóndirmeıdi.