«ANTIKOR ORTALYGY» servıs ortalyǵynda «Taraz» áleýmettik-kásipkerlik korporasııalar qyzmetinde sybaılas jemqorlyqqa qarsy júrgizilgen taqyryptyq taldaýdyń qorytyndylary qaraldy, dep habarlaıdy Egemen.kz ortalyqtyń baspasóz qyzmetine silteme jasap.
Taldaý barysynda QR Sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń Prevensııa basqarmasynyń basshysy Daýren Omarov anyqtalǵan sybaılas jemqorlyq táýekelderi týraly baıandama jasady.
Júrgizilgen taldaý barysynda kásipkerlik sýbektilerine artyqshylyq kórsetý, jer telimderin zańsyz berý, aldyn ala tıimsiz ınvestısııalyq jobalardy qarjylandyrý, mıkroqarjy uıymdarynyń qarajatyn bólinýine baqylaýdyń joqtyǵymen baılanysty eleýli sybaılas jemqorlyq táýekelderi anyqtaldy.
«Erejede konkýrs ótkizý tártibiniń bolmaýyna baılanysty, «Taraz» ÁKK satyp alýdyń ashyqtyǵy men obektıvtiligin qamtamasyz etpeı, óz qalaýy boıynsha tender ótkizý múmkindigine ıe boldy. Osylaısha, memlekettik satyp alý konkýrsy barysynda «Taraz» ÁKK komıssııa músheleri konkýrs jeńimpazdary retinde uqsas qujattardy usynǵan ónim berýshilerden bas tartty. Sonymen qatar, «Taraz» ÁKK basshylyǵy tarapynan óndirisinde shıkizaty joq jetkizýshi konkýrs jeńimpazy sanalady, onyń jetkizilýin ózi qamtamasyz etýi tıis. Sondaı-aq sol jetkizýshilerden áleýmettik mańyzy bar azyq-túlik ónimderin birneshe ret satyp alý faktileri de bar», dedi Dáýren Omarov.
Brıfıng barysynda tıimsiz qarjylandyrý faktileri talqyǵa salyndy.
«2011 jyly «Taraz» ÁKK «Fabrıka POSh-Taraz» JShS-niń múshesi boldy, onyń úlesi 20,18%, aqshalaı túrde 395 mln teńgeni quraǵan. 5 jyl ishinde bul JShS 587 mln teńge shyǵynǵa ushyraǵan. Demek, «Taraz» ÁKK jobaǵa qatysý kezeńinde paıda alǵan joq. Osylaısha, taldaý kórsetkendeı, «POSh-Taraz Fabrıka» JShS-ne tıimsiz ınvestısııa salý nátıjesinde «ÁKK» áli kúnge deıin 66 mln teńge somasyndaǵy qaryz qaldyǵyn óteı almaı otyr. Sondaı-aq «Taraz» ÁKK quny 321 mln teńgeni quraıtyn paıdasyz jyljymaıtyn múlikti alǵan», dedi spıker.
Taldaý nátıjeleri boıynsha Departamentpen anyqtalǵan buzýshylyqtardy joıý boıynsha tıisti sharalar qabyldaý týraly 15 usynys engizildi.