Bul kúnderi velosporttan Ispanııada ótip jatqan «Výelta» kópkúndiginiń altynshy kezeńinde Mıgel Anhel Lopes máre syzyǵyn 16-shy bolyp qıyp ótti.
«Astananyń» namysyn qorǵap júrgen kolýmbııalyq legıoner joǵarydaǵy kórsetkishiniń arqasynda birden 15 satyǵa joǵarylap, qazirgi kezde 17-oryndy ıelenýde. Ispanııanyń soltústigindegi Irýn qalasy men Pıko Iаno taýly aımaǵyn jalǵastyryp jatqan 181,2 shaqyrymdyq qashyqtyqta belgııalyq Alpecin-Deceuninck klýby sapynda óner kórsetetin 26 jastaǵy Aýstralııanyń veloshabandozy Djeı Vaına shashasyna shań juqtyrmady. Onyń kórsetkishi – 4 saǵat 38 mınýt. Jeńimpazdan nebári 15 sekýnd qalyp qoıǵan Belgııanyń betkeustary Remko Evenepýl (Quick-Step) ekinshi oryndy ıelense, ıspanııalyq Enrık Mas (Movistar) úshinshi satyǵa taban tiredi.
Al jalpy esepte Remko Evenepýl birinshi orynǵa kóterildi. Onyń ýaqyty – 20 saǵat 50 mınýt 07 sekýnd. О́tken kezeńde kósh bastaǵan fransııalyq Rýdı Molar (Groupama – FDJ) ekinshi satyǵa syrǵyp tústi. Úzdik úshtikti Enrık Mas túıindeýde.