Amerıka Qurama Shtattary shaqyrǵan Sırııadaǵy jaǵdaıǵa arnalǵan tórtinshi jıyn Jenevada ótti, dep habarlaıdy Egemen.kz.
Sırııaǵa qatysty jıyn BUU-nyń shtab-páterinde 13 eldiń ókilderiniń qatysýymen ótkizildi.
Kezdesýge AQSh Memlekettik hatshysy kómekshisiniń Sırııa, Iordanııa jáne Lıvan boıynsha orynbasary Etan Goldrıh tóraǵalyq etti.
Katar Syrtqy ister mınıstrliginiń habarlaýynsha, aımaqtyq ister mınıstriniń orynbasary Muhammed bın Abdýlazız Sırııa halqynyń 10 jyldan astam ýaqyt boıy jalǵasyp kele jatqan qasiretin toqtatýǵa bel baılaǵanyn bildirdi.
Ol Brıýsselde ótken Sırııa boıynsha úshinshi otyrysta ilgerileýshilik bolmaǵanyn atap ótti.
Germanııanyń Sırııa jónindegi ókili Stefan Shnek osy arab elindegi gýmanıtarlyq jaǵdaıdyń nasharlaýyna qaramastan Sırııadaǵy daǵdarystyń saıası rettelýi úshin kúsh salýǵa nıetti ekenin aıtty.
Kezdesýge qatysatyn elder týraly aqparat túsken joq.