Elimizde eń tómengi jalaqy 70 myń teńgege kóbeıedi. Bul týraly Qasym-Jomart Toqaev Parlament palatalarynyń birlesken otyrysynda aıtty Egemen.kz.
«Memleket eń tómengi jalaqyny anyqtaýdyń jańa ádistemesin engizedi, ol onyń mólsherin kezeń-kezeńimen ulǵaıtady. Men eń tómengi jalaqyny 60-tan 70 myń teńgege kóterýdi sheshtim. Bul 1,8 mıllıon azamattyń kirisine tikeleı áser etedi.
Zeınetaqy júıesin aıtarlyqtaı qaıta iske qosý qajet. Eń tómengi bazalyq zeınetaqy mólsherlemesin eń tómengi kúnkóris deńgeıiniń 70%-yna, al eń joǵarysyn 120%-ǵa deıin dáıekti túrde jetkizý qajet», dedi Prezıdent.
Onyń aıtýynsha, bul 2025 jylǵa qaraı jalpy zeınetaqyny orta eseppen 27%-ǵa arttyrýǵa múmkindik beredi.
«Sonymen qatar keń áleýmettik suranysty eskere otyryp, áıelderdiń zeınetke shyǵý jasy 2028 jylǵa deıin 61 jas bolyp bekitiledi. Biryńǵaı jınaqtaýshy zeınetaqy qorynyń tıimdi ınvestısııalyq strategııasyn ázirleý qajet», dedi ol.