Qyrǵyzstannyń eks-prezıdenti BUU-nyń Aýǵanstan boıynsha arnaıy ókili bolyp taǵaıyndaldy, dep habarlaıdy Egemen.kz.
BUU Bas hatshysy Antonıý Gýterrısh Roza Otýnbaevanyń uıymnyń Aýǵanstandaǵy arnaıy ókili jáne Aýǵanstanǵa kómek kórsetý mıssııasynyń (UNAMA) basshysy bolyp taǵaıyndalǵanyn málimdedi.
Qyrǵyzstan Syrtqy ister mınıstrliginiń baspasóz qyzmeti «Roza Otýnbaeva kanadalyq Debora Lıonstyń ornyna keldi» dep jazdy.
Roza Otýnbaevanyń kóshbasshylyq, dıplomatııa, azamattyq belsendilik jáne halyqaralyq yntymaqtastyq salasynda 35 jyldan astam kásibı tájirıbesi bar. Ol Qyrǵyz Respýblıkasynyń Prezıdenti (2010-2011) qyzmetin atqardy jáne úsh ret Syrtqy ister mınıstri bolǵan.