Tomiris kýrsy bastaý aldy

Uıymdastyrýshylardyń aıtýynsha, jobaǵa qatysýǵa nıet bil­dirgen áıelderdiń sany kóp bolǵan. «Qa­tysýshylardy Qazaqstannyń túk­pir-túkpirinen jınalǵan 342 kósh­basshynyń arasynan tańdap aldyq. Árbiriniń júzege asyrǵan sátti jo­basy, jetistigi men jeńisi bar. Irik­teýden ótken 30 qatysýshynyń bar­lyǵy da baǵdarlamadan kóp bilim alady jáne Tomiris saıası mansap­taryn jańa deńgeıge kóterýge yq­pal etedi dep senemin», dedi kon­kýrs­tyq komıssııa tóraǵasy, Amanat par­tııasy Saıası menedjment akade­mııasynyń dırektory Danııar Mu­qıtanov.

Sondaı-aq oqý baǵdarlamasynyń ashylý saltanatyna qatysqan partııa hatshysy Dáýlet Káribek jo­ba­nyń ereksheligin aıtyp ótti. «Bú­ginde táýelsizdigimizdi alǵannan keıin tarıhymyzǵa qaıta oralyp, To­mı­rıs, Domalaq ana sekildi tulǵalarymyzdyń daralyǵy men dana­lyǵyn dáripteý úshin osyndaı úlken jobany bastap otyrmyz. Kóp­tiń arasynan sýyrylyp shyqqan 30 áıel biliktiligin shyńdaýǵa joldama aldy. Bul olardyń úzdikterdiń úzdigi ekenderin dáleldeıdi», dedi D.Ká­ribek.

Oqý nátıjesinde baǵdarlamaǵa qatysýshylar óz aımaqtaryndaǵy áleýmettik-ekonomıkalyq jaǵdaıdy jaqsartýǵa baǵyttalǵan saıası jobalardy qorǵaıdy. Akademııa jyl sońyna deıin onlaın koýchıngtik sessııalar arqyly ádistemelik qoldaý kórsetedi.

Kóshbasshy áıelderge arnalǵan trenıng qatysýshysy, Urpaq qazaq mádenı-aǵartýshylyq ortalyǵynyń dırektory Gúlbahsha Musabaeva «Meniń maqsatym – týyp-ósken Soltústik Qazaqstan oblysynyń áleý­mettik-saıası jaǵdaıyn jaqsar­tý arnalǵan joba daıyndaý. Áıel­derdiń tulǵalyq ósýi men ıntel­lektýaldyq damýyna kómekteskim keledi», degen josparymen bólisti. Al Almaty qalasynan kelgen Aı­dana Sydyqova trenıngte ká­sibı bilim alyp jatqanyn jetkizdi. «Transformasııalyq kóshbasshylyq, jobalyq basqarý, emosıonaldy ıntellekt sekildi daǵdylardy úırenip jatyrmyz. Bolashaqta basqarý júıesinde osy biliktiligimizdi qol­dana otyryp, tıimdi basqarýdy júzege asyramyz degen josparym bar. Jalpy qazir saıasatta áıel­der­diń úlesi óte az, al olardyń saıası ortaǵa aralasýy elimizdiń damýy­na zor úlesin qosady degen senim­demin», dedi qatysýshy.

Tomiris – Prezıdent janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııasynyń jáne Konrad Adenaýer qorynyń, Aqparat jáne qoǵamdyq damý mınıstrligi men Amanat partııasynyń qoldaýymen júzege asyrylyp jatqan ortaq joba.

Oqý baǵdarlamasynda bilim alýshylar kóshbasshylyq jáne saıası prosester túsinikterinen bastap, kommýnıkasııa men jobalardy basqarý taqyryptaryn zertteıdi. Sondaı-aq baǵdarlama sheńberinde HDS (Germanııa) partııasynyń Áıelder qanaty delegasııasymen kezdesý josparlanyp otyr.