Muhtar Ábilıazovtyń taǵy bir sybaılasy halyqaralyq izdestirý nátıjesinde elge qaıtaryldy, dep habarlaıdy Egemen.kz Antıkorǵa silteme jasap.
«BTA-Bank» AQ burynǵy top-menedjmentine qatysty qylmystyq is boıynsha 2011 jyldan bastap «Jańa Qalqaman» JShS ataýly dırektory Pak Vıtalıı Leonıdovıch izdeýde boldy. 2006-2008 jyldar kezeńinde osy kompanııany zańsyz nesıeleý arqyly Muhtar Ábilıazov pen onyń sybaılastary 8,9 mlrd. teńgeden astam somada aqshalaı qarajat urlady. 2019 jyly Pak QHR (Chendý q.) aýmaǵynda anyqtaldy. Kúdiktiniń jaqyn týystarymen jáne advokatymen tıisti túsindirý jumystary júrgizilgennen keıin, Pak Qazaqstanǵa oralýǵa nıet bildirip, ol týraly jazbasha ótinish joldady.Osy jyldyń 27 tamyzynda QR IIM Interpoldyń kómegimen Vıtalıı Pak Chendý qalasynan Almaty qalasyna kelip, tergeý ızolıatoryna qamaldy», delingen habarlamada.
Qazirgi tańda sotqa deıingi tergeý jalǵasýda.