Ultyna, dinine qaramastan planetadaǵy ár adam bir-birine baýyr. Qazirgideı almaǵaıyp zamanda adamı qundylyqtardyń jıi aıaqqa taptalatynyn kórip júrmiz. Din ókilderi saıasatker bolmasaq ta shıelenisken jaǵdaıdyń beıbit túrde sheshilýine yntalymyz.
Osy rette bul sezdiń qyzmeti dinı negizde týyndaǵan ótkir máselelerdi birlese talqylaýǵa jáne sheshýge, túrli halyqtardyń dinderi men mádenıetteriniń dıalogine, dinı toleranttyq rýhyn nyǵaıtýǵa jáne tájirıbe almasýǵa, beıbit dinderdiń oń ımıdjin qalyptastyrýǵa múmkindikter beredi.
Tatýlyǵy jarasqan, aýyzbirligi men dostastyǵy úılesim tapqan el bir arnaǵa túıisip, tilek-armandary oryndalyp, baqytty qoǵam bolyp beıǵam ómir keshetini ejelden belgili. Sezdegi usynys-pikirler, ortaq sheshimder alaýyzdyqqa emes barlyq álem halqyn birlikke, yntymaqqa, tynyshtyqqa shaqyrady. Dini qýatty eldiń irgesi myǵym. Jahandaný zamanynda halyqtardyń tatý-tátti yntymaq-birlikte ǵumyr keshýdiń basty joly – ózara qurmet pen syılastyq. Al ózara súıispenshilikte bolýdyń joly baıandy qarym-qatynasta jatyr. Sezd alańynda nanym-senimi ártúrli din ókilderi beıbitshilikti óz dúnıetanymymen qabyldaı otyryp, birliktiń jarqyn úlgisin jalǵaýǵa atsalysty.
Geosaıası jáne geoekonomıkalyq faktorlar men jahandyq qaýipsizdik júıesiniń buzylýy saldarynan halyqaralyq shıelenis ýshyqqany belgili. Rýhanı kóshbasshylardyń basty mindeti – qundylyqtardyń durys júıesin qalyptastyrý jáne adamdardy beıbitshilik, adamgershilik, qoǵamdyq kelisim sııaqty ıdeıalar aıasyna toptastyrý. Álemdik jáne dástúrli dinder lıderleri seziniń negizgi maqsaty da osy.
Devıd LAÝ,
Izraıldiń Bas ashkenazı ravvıni