Jambyl oblysynda iri kólemdegi esirtkini satýǵa daıyndap júrgen turǵyndar ustaldy, dep habarlaıdy Egemen.kz.
Jambyl oblysy IID baspasóz qyzmetiniń habarlaýynsha, «Qarasora-2022» jedel-profılaktıkalyq is-sharasy barysynda jol boıyndaǵy egis alqabynda polısııa qyzmetkerleri 33 jáne 34 jastaǵy eki jergilikti turǵyndy ustady.
«Polısııa er adamdy esirtki qoldanyp turǵan jerinen ustady. Bul faktini medısınalyq saraptama rastady. Ustalǵan jerinen jaqyn mańdaǵy aýmaqty qaraý kezinde jalpy salmaǵy 17,5 kg bolatyn keptirilgen jáne paketterge salynǵan marıhýana tabyldy. Sondaı-aq salmaǵy 145 gramm gashısh tabyldy», delingen habarlamada.
Ustalǵandar kinásin moıyndap, Taraz qalasynyń ýaqytsha ustaý ızolıatoryna qamaldy.
QR Qylmystyq kodeksiniń 296-babynyń 4-bóligi boıynsha sotqa deıingi tergeý bastaldy.
Ustalǵandar úsh jyldan jeti jylǵa deıin bas bostandyǵynan aıyrylýy múmkin.