Megapolısti damytýǵa – 6 trln teńge

Qala ákimi Erbolat Dosaev damý baǵdarlamasyn ázirleý úshin Almaty ákimdiginiń qyz­metkerleri jáne túrli qyzmet salalarynyń 130-dan astam sarapshysy 5 aı boıy jumys istegenin aıtty.

«Biz aýqymdy jumys atqar­dyq. Qazirgi strategııalyq jos­parlar men halyqaralyq táji­rıbe, onyń ishinde álemdik mega­polısterdi damytýdyń basty trendteri men qaǵıdattary zer­delendi, syn-qaterler eske­ril­­di, qala tirshiliginiń barlyq sa­l­a­syndaǵy jaǵdaıǵa taldaý jasal­dy, turǵyndardyń myń­daǵan ótinishteri qaraldy», dedi shahar basshysy.

Aldyn ala eseptelgendeı, baǵ­darlamany iske asyrý úshin 6,1 trln teńge qajet. Bul tartyl­ǵan jeke ınvestısııalardyń ba­sym bóligin nemese 55%-dan astamyn quraıdy. Onyń ishinde osy úsh jylda 1,3 trln teńge tartý josparlanyp otyr, al qalǵan 2 trln teńgeden astamy – orta merzimdi perspektıvada 2030 jylǵa deıin qarastyrylmaq.

E.Dosaev 2030 jylǵa de­ıin the Global Liveability Index TOP-70 ındeksine enýge tal­pyný keregin jetkizdi. Bul – qa­lalardyń jaılylyq deńge­ıi­niń ıntegraldy ındeksi. Onda tur­ǵyndardyń ózderi qaladaǵy ómir súrý jaılylyǵyn 30-dan astam kórsetkish boıynsha baǵa­laıdy. Almatyny atalǵan ındeksten ómir súrý jaǵdaılary jaıly, álemniń ozyq tehnolo­gııala­ry, ınnovasııalary men sapaly adamı kapıtal úshin tar­tylys núktesi retinde kórý kózdelgen.

«Alda bizdi eń qıyn is kútip tur. Bul – belgilengen josparlardy tıimdi iske asyrý máselesi. Qoıylǵan mindetterdi josparly jáne keshendi iske asyrý úshin jekelegen is-qımyl josparlary qabyldanady, jol kartalary ázirlenedi jáne jobalyq ofıs­ter qurylady», dedi qala ákimi.

Damý baǵdarlamasynda 7 ne­gizgi baǵyt aıqyndalǵan. Iаǵnı jaıly qala, turaqty ekono­mıkalyq ósý, basqarylatyn ýrban­dalý, áleýmettik ornyq­ty­­lyq pen turaqtylyq, Ja­syl Almaty, Almaty – smart sıtı, qaýipsiz qala. Baǵdar­la­ma almatylyqtardyń usy­nys­­taryna negizdelgenin aıta ketý kerek. Bıyl shilde aıyn­da qala turǵyndary damý baǵ­dar­lamasynyń negizgi basym­dyqtaryna 1 280 túsinikteme jibergen.

ALMATY