Qostanaı oblysynda «Beket-2022» vedomstvoaralyq oqý-jattyǵýy bastaldy. Keshendi oqý-jattyǵýǵa qatysýshylarǵa vedomstvoaralyq úılestirýdi qamtamasyz etý, ártúrli vedomstvolyq kúshterdiń ózara is-qımyl elementterin pysyqtaý, aýmaqtyq qorǵanystyń ýákiletti organdary men bólimsheleriniń jumyldyrý ázirliginiń jaı-kúıin tekserý mindetteri júkteledi.
Bul oqý-jattyǵýǵa Qostanaı oblysynyń aýmaqtyq qorǵanys quramasynda esepte turǵan áskerı mindettiler shaqyryldy. Olarǵa jaýyngerlik oqýdyń negizgi pánderi boıynsha sabaq ótkiziledi.
Eki kezeńde ótetin oqý-jattyǵýdyń belsendi fazasy 21 qyrkúıekte bastalady. Memlekettik organdar men kúshtik vedomstvolardyń ókilderi bes kún boıy «Beket-2022» oqý-jattyǵýynyń bekitilgen jospary boıynsha daǵdarystyq jaǵdaıdy eńserýdiń jáne syrtqy qaýip-qaterlerge qarsy turýdyń túrli ssenarıılerin pysyqtaıdy.
Oqý-jattyǵý barysynda oblys ortalyǵynyń keıbir kóshelerinde qozǵalys shekteledi. Ol jaıly jergilikti turǵyndarǵa qosymsha habarlanady.