«Qazgıdromet» sınoptıkteriniń málimetinshe, 27-29 qyrkúıekte elimizde qar aralas jańbyr jaýady, dep habarlaıdy Egemen.kz.
«27 qyrkúıekte sýyq antısıklon shyǵys baǵytta belsendi qozǵalatyn soltústik-batys sıklonnyń artyna taralady. Onyń kelýimen respýblıkanyń soltústik, ortalyq jáne shyǵys óńirlerinde jańbyrdyń qarǵa, kóktaıǵaqqa, tumanǵa kóshýi jáne aýa temperatýrasynyń mınýs mánderine deıin tómendeýi kútilýde. Elimizdiń ońtústik-batysynda, ońtústiginde shańdy daýyl turady», delingen habarlamada.
Boljam boıynsha, elimizdiń soltústik aımaqtarynda termometrlerdiń túngi kórsetkishteri -1-den -6°C-qa deıin tómendeıdi, kúndiz aýa +1-den +6°C-qa deıin azdap qyzady, respýblıkanyń ońtústik jáne batys óńirlerinde kúndiz termometr baǵandary +15-ten +23°C-qa deıin kóteriledi.