Memlekettik keńesshi Eran Qarınniń tóraǵalyǵymen Qazaqstan Respýblıkasy Prezıdentiniń janyndaǵy Sybaılas jemqorlyqqa qarsy is-qımyl máseleleri jónindegi komıssııanyń otyrysy ótti, dep habarlaıdy Egemen.kz.
Otyrysta Eýropa/GREKO Keńesi janyndaǵy Sybaılas jemqorlyqqa qarsy kúres jónindegi memleketter tobynyń usynystary talqylandy. Sybaılas jemqorlyqqa qarsy is-qımyldyń tıimdi sharalaryn odan ári engizý maqsatynda GREKO-men syndarly ózara is-qımyldy qamtamasyz etýge basa nazar aýdaryldy.
Memlekettik keńesshi sheteldik sarapshylar engizgen usynymdardy pysyqtaý jáne olardy iske asyrýdyń pármendi tetikterin ázirleý jónindegi qyzmetti jandandyrý qajettigin atap ótti.
Sondaı-aq otyrysta kóleńkeli ekonomıkaǵa qarsy is-qımyldyń 2021-2023 jyldarǵa arnalǵan keshendi josparyn iske asyrý boıynsha memlekettik organdar qabyldaıtyn sharalar talqylandy.
Talqylaýdy eskere otyryp, komıssııa qaralǵan máseleler boıynsha naqty usynymdar ázirledi.