Sınoptıkter Qazaqstannyń birqatar aımaqtarynda aýa raıyna baılanysty daýyldy eskertý jarııalady, dep habarlaıdy Egemen.kz «Qazgıdromet» RMK-ǵa silteme jasap.
Atap aıtqanda, Aqtóbe oblysynyń shyǵysynda túnde 1 gradýs aıaz kútiledi.
Atyraý oblysynyń batysy men ońtústiginde shańdy daýyl soǵady. Ońtústik-shyǵystan soǵatyn jeldiń kúshi oblystyń basym bóliginde 15-20 m/c, oblystyń batysynda ekpini 23 m/s jel soǵady. Atyraý qalasynda ońtústik-shyǵystan soqqan jeldiń ekpini 15-20 m/s kútiledi.
Jetisý oblysynyń Alakól kólderinde ońtústik-shyǵystan ekpini 29 m/s jel soǵady.
Batys Qazaqstan oblysynda kúndiz oblystyń batysynda, soltústiginde, ońtústiginde ońtústik-shyǵystan jel soǵady, ekpini 15-20 m/s jetedi.
Kúndiz Qyzylorda oblysynyń ortalyǵynda shańdy daýyl soǵady. Oblystyń soltústiginde túnde 2 gradýs úsik júredi. Qyzylorda qalasynda tótenshe órt qaýpi saqtalady.
Mańǵystaý oblysynyń batysynda, ońtústiginde, ortalyǵynda shańdy daýyl soǵady. Aqtaý qalasynda shańdy daýyl soǵady. Ońtústik-shyǵystan ekpini 15-20 m/s jel turady.
Túrkistan oblysynyń taýly aımaqtarynda kúndiz naızaǵaı kútiledi. Oblystyń soltústigi men batysynda shańdy daýyl soǵady. Soltústik, batys, oblystyń taýly aımaqtarynda 15-20 m/s jel soǵady. Oblystyń soltústiginde túnde topyraq betinde 2 gradýs úsik júredi. Aýdannyń basym bóliginde tótenshe órt qaýpi saqtalady.