Kezekten tys prezıdent saılaýy 20 qarashada ótedi. Elorda turǵyndary ózderiniń saılaý ýchaskesi týraly málimetterdi birneshe tásilmen onlaın ala alady, dep habarlaıdy Egemen.kz qala ákimdiginiń resmı saıtyna silteme jasap.
Astana qalasynyń ákimdigi saılaý ýchaskesi týraly málimetterdi naqty ýaqyt rejıminde kelesi tásildermen alýǵa múmkindik beredi:
Veb-qyzmet: https://sailau.astana.kz/ Telegram jelisindegi arnaıy chat-bot: https://t.me/@sailau_astana_bot IKomek biryńǵaı baılanys ortalyǵy, 109 telefony boıynsha.«Azamatty daýys berýdiń naqty saılaý ýchaskesindegi saılaýshylar tizimine engizý úshin onyń turǵylyqty jeri boıynsha, atalǵan saılaý ýchaskesiniń aýmaǵynda tirkelý faktisi negiz bolyp tabylatynyn atap ótý mańyzdy. Mekenjaı málimetterin tirkeý, túzetý jáne tekserý úshin egov.kz «elektrondyq úkimet» portaly «Azamattyq, kóshi-qon jáne ımmıgrasııa → Halyqty tirkeý jáne tirkeý esebinen shyǵarý» bólimine nemese «Azamattarǵa arnalǵan úkimet» Memlekettik korporasııasyna júginý qajet», delingen habarlamada.