19 qazan kúni buqaralyq aqparat quraldarynda «Semeı mashına jasaý zaýyty» AQ dırektorynyń kabınetiniń beınejazbasy jarııalandy. Antıkor atalǵan vıdeoǵa qatysty pikir bildirdi, dep habarlaıdy Egemen.kz.
Beınejazbany «Qazaqstan ınjınırıng «Ulttyq kompanııasy» AQ basshysy T.K. Ábdirahmanov júrgizgen.
«Semeı mashına jasaý zaýyty «Qazaqstan ınjınırıng «Ulttyq kompanııasy» AQ-nyń qaramaǵyna qaraıdy. «Qazaqstan ınjınırıng» Ulttyq kompanııasy usynǵan aqparatqa sáıkes, kásiporynnyń 2015 jyldan beri jınaqtalǵan shyǵyny shamamen 1,9 mlrd teńgeni quraıdy, al kredıtorlyq bereshektiń ósýi 3 mlrd teńgeden asty. Osy jyldyń aqpan aıynan bastap zaýytqa qatysty sot sheshimimen 5 jyl merzimge ońaltý rásimi qoldanyldy», dep jazylǵan agenttiktiń habarlamasynda.
Kredıtorlar komıtetiniń sheshimi boıynsha 2022 jyldyń 25 qazanynan bastap zaýytta aýdıt bastalady.
«Qazirgi ýaqytta osy faktiler boıynsha Sybaılas jemqorlyqqa qarsy qyzmetke eshqandaı materıaldar men ótinishter túsken joq. Bul rette, ońaltý jáne bankrottyq kezindegi zańsyz árekettermen, sondaı-aq qasaqana bankrottyqpen baılanysty qylmystyq quqyq buzýshylyqtar Ekonomıkalyq tergeý qyzmetiniń tergeýine jatady», dep qosty agenttiktiń baspasóz qyzmeti.