Balqan túbegimen de baılanysymyz myqty

Memleketaralyq qatynastar jalpy kúsh-jigermen joǵary deńgeıge kóterildi. Turaqty saıası dıalog saqtalyp, delegasııalar almasý júzege asyryldy, quqyqtyq bazanyń berik irgetasy qalandy. Parla­mentaralyq jáne óńiraralyq yntymaqtastyq, iskerlik jáne mádenı-gýmanıtarlyq baıla­nys­tar damyp keledi.

Máselen, Qazaqstan men Hor­vatııa ózara syılastyq qaǵı­da­ty negizinde eki eldiń álemdik arenadaǵy yntymaq­tastyǵyn nyǵaıtýdy qoldaıdy. BUU, EQYU jáne basqa da halyq­aralyq uıymdar sheńberinde halyq­aralyq qaýipsizdik, halyq­aralyq terrorızmge qarsy kúres, uıymdasqan qylmys, esirtki quraldarynyń zańsyz aınalymy, zańsyz kóshi-qon jáne basqa da transulttyq syn-qaterler máseleleri boıynsha tyǵyz qarym-qatynas ornaǵan.

Mádenı baılanystardy damytýmen qatar, Qazaqstan men Horvatııa arasyndaǵy jan-jaqty ózara is-qımyldy nyǵaıtýǵa Horvatııa-Qazaqstan dostyǵy qoǵamy salmaqty úles qosyp keledi.

Keıingi jyldary Qazaqstan men Horvatııa arasyndaǵy syrtqy saýda aınalymy turaqty ósý úrdisine ıe. Statıstıkaǵa súıensek, 2021 jyldyń qory­tyn­dysy boıynsha ózara ta­ýar aınalymy 680,96 mln dollardy quraǵan. 2022 jyldyń birinshi jartyjyldyǵyn­da taýar aınalymy 349 mln dollarǵa jetti. Iаǵnı byltyrǵy kezeńmen salystyrǵanda 82 paıyzǵa ósken. Qazaqstanda qurylys, farmasevtıka, IT, tamaq ónerkásibi jáne saýda sala­larynda jıyrmadan asa horvat kompanııasy tirkelgen. Kólik-logıstıka, onyń ishinde teńiz ınfraqurylymyn damytý, týrıstik jáne sport salalarynda naqty jobalardy iske asyrý jóninde ýaǵdalastyq bar.

Sondaı-aq Slovenııamen dıplomatııalyq baılanys orna­ǵanyna da 30 jyl toldy. Osy ýaqyt aralyǵynda ekijaqty jáne kópjaqty formattaǵy syndarly qatynastar men ózara tıimdi yntymaqtastyqty nyǵaı­týǵa yqpal etetin asa joǵa­ry jáne joǵary deńgeıde senimdi dıalog ornatylyp, qoldaý taýyp keledi.

Yntymaqtastyqtyń serpindi baǵyttarynyń biri – kópjaq­ty ózara árekettestik. Slove­nııa Qazaqstannyń 2010 jyly EQYU-ǵa tóraǵalyǵyn qoldady. Atap aıtqanda, Slovenııa basshylyǵy Astanada sammıt ótkizýge, Astana qalasynda «EKSPO-2017» halyqaralyq kórmesin ótkizýge ótinimniń alǵashqy jaqtaýshylarynyń biri boldy. Qazaqstannyń 2017-2018 jyldary BUU Qaýipsizdik Keńe­sin­iń turaqty emes múshe­ligine, 2022-2024 jyldary BUU Adam quqyqtary jónindegi keńe­sine kandıdatýrasyn qolda­dy. О́z kezeginde Qazaqstan 2021-2022 jyldarǵa arnalǵan MAGATE Basqarýshylar keńe­sine Slovenııaǵa daýys berdi.

Ekijaqty qatynastarda parlamentaralyq ózara is-qımyl erekshe oryn alady. Qazaqstan men Slovenııa par­lamentterinde saparlar men ta­qyryptyq is-sharalar ótki­zý arqyly depýtattar arasyn­daǵy baılanystardy keńeıtýge yqpal etetin dostyq pen ynty­maq­tastyq toptary jumys isteıdi.

Ekijaqty yntymaqtas­tyqtyń mańyzdy tetigi retin­de Saýda-ekonomıkalyq yn­ty­maqtastyq jónindegi úkimet­aralyq komıssııany aıta alamyz. 2014 jyldan bastap Qazaqstan men Slovenııa kásipkerleriniń bastamasymen iskerlik ynty­maqtastyqty keńeıtý maq­satynda «Qazaqstandyq-slo­ven bıznes-klýby» (KSBC) quryld­y. Investısııa, kólik jáne logıstıka, aqparattyq tehnologııalar, týrızm, densaýlyq saqtaý, farmasevtıka, bilim berý, sondaı-aq ekijaqty qaty­nastardyń sharttyq-quqyqtyq bazasyn keńeıtý sııaqty sala­lardaǵy ózara is-qımyldyń perspektıvalary belgilendi.

Qazirgi tańda elimizde Slove­nııa kapıtalynyń qatysýy­men farmasevtıka, jańarty­latyn energııa kózderi, ınjenerııa, telekommýnıkasııa salalaryndaǵy 19 kásiporyn tirkelgen.

Buǵan qosa, Ekinshi dúnıe­júzilik soǵys kezinde fashızm­ge qarsy kúres eki elge de ortaq. Slovenııanyń Tyr­novo qalasynda keńes odaǵy jaýyn­gerlerine arnalǵan memorıal ornatyldy. Onda qaza tapqan qazaqstandyq sarbaz­dardyń esimderi eskertkish taqtalarda jazylǵan.

Sonymen qatar 2018 jyly Povır aýylynda Iýgoslavııa partızandarymen birge fashızmge qarsy soǵysyp, Balqan túbegin azat etý jolynda qaza tapqan qazaqstandyq batyr Kasse Seberony eske alýǵa arnalǵan «Jyraqta jatsań da, óshpes erligiń elińniń jadynda!» sózderi bar memorıaldyq taqtasynyń saltanatty ashylý rásimi ótkenin de aıta ketken jón.